Sobrang nakakapagod ang araw na ito. Imagine 8hrs akong nanggigisa kanina ng mga estudyante sa mga thesis nila na pinaghirapan nila ng buong semester (at yung iba eh mukhang pinaghirapan lang ng isang linggo, hehehe...).
Nakakapagod pero masaya dahil nakasama ko sa pagpapanel ang isa kong matalik na kaibigan. Sa tingin ko kami lang ata ang grupo na ang mga nagdedefense eh tawa ng tawa kahit sobrang barado na sila sa mga kapalpakan ng thesis nila. Hindi ko talaga maiwasang humirit ng mga jokes ko lalo na kanina na kasama ko ang kaibigan kong matindi pa sa akin kung magpatawa. Hehehe...
Common mistake ang spelling na "recieve" sa mga ginawa nilang Sales and Inventory System. Sa bagay, kasama sa 100 most often misspelled words in English ang salitang "receive". Pero dahil IT students sila at isa akong programmer, hindi na ako nagpaka-OC sa spelling and grammar.
Ipinasa namin silang lahat, may gusto sana akong i-redefense na dalawang grupo kaso sobrang bait ng dalawang kasama ko kaya nahawa na rin ako. Hahaha...
After ng defense, kumain lang ako saglit sa Tropical Hut kasama ang mga College friends ko tapos diretso uwi na.
Pagdating sa bahay, pahinga konti tapos byahe uli pabalik sa apartment na tinutuluyan ko sa Makati (kung saan ko inilalathala ang kalokohang ito...).
Sumakay ako ng Taxi from Malabon to Makati (dahil hinihika ako sa ngayon at bawal akong makalanghap ng usok... Arte ko no??? Hehehe...).
Habang nakasakay sa taxi, nakakwentuhan ko si manong driver. Ang daldal nya, sobra... Galing daw syang Cavite, may isinakay syang pasahero from Cavite to Malabon, at masasabi kong napakabuti ng tadhana sa kanya dahil after nyang magbyahe ng pagkalayo-layo, may maisasakay syang isang tulad ko sa liblib na lugar ng Malabon. Hahaha...
Balik tayo sa kwentuhan namin ni manong driver. Unang pinag-usapan namin yung pagiging delikado ng mangilan-ngilang daan sa Malabon at Navotas. Agree naman ako dun base na rin sa mga sabi-sabi na naririnig ko sa mga kakilala, biktima, at mga wala lang magawa sa buhay. Delikado talagang dumaan sa mga squatters area sa may bandang C4 road at sa highway (na merong mga squatter) papuntang Luneta Park (Roxas Boulevard na ata yun...). Ang ginagawa kasi nila ay nanghaharang sila ng Taxi tapos sapilitan nilang bubuksan ang pinto para mangholdap. Swerte at hindi pa naman ako nadadale sa mga hot spot ng krimen na yun.
Eto ang usapan namin kanina:
Ako: Kapal talaga ng mukha nila. Squatter na nga sila namemerwisyo pa.
Manong: Oo nga eh. Ang sasama nila.
Ako: Dapat kasi sa mga squatter na walang matinong trabaho dito eh bumalik nalang sa mga probinsya nila.
Manong: Oo, dapat bumalik na sila, kaysa naman sa nanghoholdap sila dito. Kung pupunta dito dapat meron ng trabaho. Hindi dapat mapili, kahit katulong lang muna. (eto yung panalong line) O kaya kung lalake ka tapos pupunta ka ng Maynila, manligaw ka agad ng babaeng may bahay para dun ka muna makitira habang wala ka pang trabaho. Kaya dapat mabilis kang manligaw. One week dapat mapasagot mo agad yung babae.
Ako: (hindi na ako nakasagot, tameme ako sa paniniwala ni manong... Hahaha...)
Nanahimik ako ng ilang minuto para umiwas sa usapan. Na-feel ko kasi na isa pang praning itong kausap ko.
Muling bumanat si Manong...
Manong: Kung kukuha ka ng babae dapat sa squatter...
Ako: Ha? (gusto ko lang ng explanation sa sinabi nya...)
Manong: Magaganda kasi ang mga babae sa squatter. Ayusan mo lang yan. Tsaka malilinis sila (feeling ko talaga nung mga time na yun nagbebenta sya ng babae eh...) pero dapat bantayan mo sila kasi kapag hindi mo yan binantayan, malilikot mga yan.
Ako: ... (na-wirduhan na ako ng tuluyan)
Dahil sa mga sinabi nyang iyon, napunta ang topic sa isa sa mga yugto ng buhay ng kanyang boss.
Babaero daw kasi boss nya tapos ang dinadale eh mga magagandang babaeng squatter sa iba't-ibang lugar. Feeling ko talaga na-amaze sya sa sinabi ng boss nya na...
"Instead na sa Club ako mambabae, dito nalang sa mga squatter, at least natulungan ko pa sila"
Hayop na kawang-gawa yun ah... May halong kalibugan. Hahaha...
Masmaganda naman siguro na gumawa ka ng mabuti ng hindi ka gumagawa ng masama... Tama ba?
Eto po yung isang banat nya na nagpatanggal ng antok ko sa sobrang kagimbalan...
"OK yung ginagawa ni Boss, at least kung kailangan nya ng dadalihin, eh marami syang pagpipilian. Ang babata at magaganda pa."
Hay nako manong... Hindi ko alam kung seryoso ka ba sa mga pinagsasasabi mo... Pero dahil nalibang nya ako habang nasa byahe, binigyan ko sya ng tip. Hehehe...
No comments:
Post a Comment