I'm a Java Game Developer :D

Dahil sa nalalapit na ang pagtatapos ng aking dalawang taong bond sa kasalukuyan kong pinagtatrabahuhan, nagsasagawa na ako ng refresher course para sa aking sarili sa Java programming.
Pinangarap kong maging Java or PHP programmer nung ako'y nasa kolehiyo pa ngunit sa kasalukuyang panahon, ako ay isang C++ programmer. Amf! talaga... Meron namang Java at PHP programming sa kumpanyang pinapasukan ko ngayon kaso lubhang malupit sa akin ang tadhana at nilagay ako sa mundo ng mga embedded systems. Sabi nila, matatalino daw ang napupunta sa embedded systems... Sus! Hindi ako naniniwala, andun ako eh... Hahaha...

Anyways, dahil nagbabalak na akong lumihis ng landas sa mundo ng programming at magbalik-loob kay Java, bigla kong naisipang mag-program sa Java. Nung una ay wala akong maisip dahil hindi ko alam ang dahilan. Hahaha... Dahil ba sa masyado na akong nade-drain sa trabaho para gumana pa ang utak ko sa pag-iisip ng kung anu-ano pa? Masyadong nakakaubos ng likido sa utak ang sobrang stress at pressure sa programming.
Dahil sa wala akong maisip na kapakipakinabang na program, nag-decide nalang ako na gumawa ng game sa Java. Sa tingin ko OK na rin na ito ang ginawa ko dahil kahit papaano nalilibang ako. Yung tipong hindi ako masyadong stressed.
Ang naisip kong gawin ay ang larong Sokoban. Favorite ko ito nung elementary palang ako. Logical game ito na dapat mong mailagay ang mga boxes sa dapat nilang paglagyan pero syempre hindi ganun kadali na mailagay mo silang lahat.
Kung nais mo ng trivia, ang Sokoban ay isang Japanese word na ang ibig sabihin ay Warehouseman. Sa pangalan palang ng laro, siguro naman ay naisip mo na kung ano ang magiging papel mo sa larong ito... Hehehe...
Pero syempre, dahil hindi naman ako isang Hapon, pinangalanan ko itong Porter. Simple lang ang dahilan ko, Porter ang English translation ng Sokoban.
Ginawa ko ang game nitong lunch break lang kanina sa opisina at itinuloy ko ito kanina sa bahay pagkauwi ko. Sa iksi ng oras na ginugol ko sa paggawa nito, wag na kayong mag-expect na sobrang ganda ang pagkakagawa ko dito. At siguro kahit gumugol pa ako ng ilang linggo ay hindi ko talaga ito mapapaganda dahil wala akong talent sa computer designing. Hahaha... Kinuha ko nga lang sa Internet yung mga graphics na ginamit ko sa game eh. :P
Tignan nyo nalang yung picture sa baba yung screenshot ng ginawa kong game.
Inaantok na ako, itutuloy ko nalang ang kwento sa susunod. Hehehe...